Ish-komandati i UÇK-së dhe politikani Sami Lushtaku, ish-komandant i UÇK-së i konsideron marrëzira debatet e shpërthyera së fundmi në Tiranë ku socialistët akuzojnë kreun e opozitës, Lulzim Basha si të përfshirë në hartimin e raporteve kur ai punonte në radhët e UNMIK.
Lushtaku u shpreh se mendon që politikanët shqiptarë duhet t’i lënë pas akuza të tilla dhe të jenë më aktiv dhe më pranë Kosovës në këtë kohë.
Po ashtu, ish-komandant i UÇK-së theksoi se ka pritur që politikanë apo një pjesë e institucioneve të qeverisë të shkojnë në Kosovë, dhe të takohen me ta, por kjo nuk ka ndodhur.
Pjesë nga intervista për Abc News:
– Këtu në Shqipëri ka pasur disa akuza ndaj kreut të PD, Lulzim Basha për punën në UNMIK dhe në përpilimin e dosjeve të gjykatës së Hagës, keni një koment për këtë?
Sami Lushtaku: “Unë mendoj që politikanët shqiptarë duhet t’i lënë këto marrëzira dhe të jenë më aktivë dhe më afër nesh në Kosovë. Deri më tani asnjë politikan nuk ka ardh në Kosovë që ta bashkëndjejë këtë që i ka ndodh kryetarit të shtetit…Kam prit që një pjesë e institucioneve të qeverisë së Shqipërisë të vijnë në Kosovë, të takohet me ne, dhe deri më tani nuk ka ndodhur. Desha me falenderu, Ervin Salijanin që ishte në Kosovë, e kam prit unë, kemi shkuar tek Varrezat e Dëshmorëve. Dhe desha ta falënderoj që ka ardh e na ka ngushëllu…”
