TIRANË– Ish-deputeti socialist, Alqi Bllako është lënë në burg nga GJKKO, e cila ka caktuar masën ‘arrest me burg’, pasi u arrestua për korrupsion dhe shpërdorim detyre në lidhje me aferën e Inceneratorit të Fiert. Seanca nisi ditën e sotme në orën 11:00 dhe u zhvillua me dyer të mbyllura, pa praninë e mediave. Ish-deputeti u dërgua në ambientet e GJKKO para orarit zyrtar të nisjes së seancës.
Avokati Sokol Hazizaj tha se do ti drejtohet gjykatës duke pretenduar një masë më të lehtësuar.
“Alqi Bllako si sekretari i përgjithshëm ka përcjellë vetëm dokumentacionin për shkak të aktit që dalin nga Këshilli i Ministrave. Se udhëton në një autobus apo avion, nuk do të thotë se ke lidhje“, tha avokati Sokol Hazizaj.
Ish-deputeti socialist u akuzua si i përfshirë në aferën e inceneratorëve dhe akuzohet nga SPAK për shpërdorim detyre dhe korrupsion,.
