SHBA- Kompania e shitjes në internet, Amazon ka njoftuar se do të ndalojë pranimin e kartave të kreditit Visa të lëshuara në Mretërinë e Bashkuar. Ky ndalim pritet të fillojë nga 19 janari dhe shkak për këtë vendim janë tarifat e larta të transaksionit me kartën e kreditit.
‘Amazon’ tha se kostot duhet të ulen me kalimin e kohës për shkak të përparimeve në teknologji, “por në vend të kësaj ato vazhdojnë të qëndrojnë të larta apo edhe të rriten”.
“Kostoja e pranimit të pagesave me kartë vazhdon të jetë një pengesë për bizneset që përpiqen të ofrojnë çmimet më të mira për klientët”, -shtoi Amazon.
Nga ana tjetër Visa, duke treguar se kishte një marrëdhënie të gjatë me ‘Amazon’ dhe u shpreh shumë i zhgënjyer që Amazon po kërcënon të kufizojë zgjedhjen e konsumatorëve në të ardhmen”.
Amazon nuk pranoi të thoshte se sa e tarifon Visa për të përpunuar transaksionet e bëra në kartat e kreditit dhe as Visa nuk pranoi të komentojë megjithëse pretendoi se mesatarisht merr më pak se 0.1% të vlerës së një blerjeje.
Burimi: BBC
