Washington- Ambasadorja shqiptare në SHBA, Floreta Luli është testuar pozitive me COVID-19. Lajmin e ka publikuar vetë ambasadorja në rrjetet sociale, ku shprehet se para se të nisej drejt Shqipërisë testi ka rezultuar negativ, pavarësisht ndjekjes së rregullave ajo ka rezultuar pozitive kur është kthyer në SHBA.
Të dashur miq,
Sot u ktheva nga Shqipëria pas një udhëtimi pune dhe pasdreke arrita në Uashington. Sapo zbrita në aeroport, si masë profilaktike bëra testin e Covid-19.Përgjigja ishte POZITIV. Ju njoftoj nëpërmjet këtij mesazhi, pasi këto ditë kam zhvilluar shumë takime pune me mjaft zyrtar dhe kolegë, si dhe kam takuar pa fund shokë e miq, familjarë dhe njerëz të afërm, të cilët nuk i njoftoj dot një nga një. Unë u testova negativ ditën kur u nisa drejt Shqipërisë. Në çdo ambjent apo takim, zyrtarë apo miqësor, kam mbajtur maskë dhe kam ruajtur distancën e kërkuar, por qartësisht jo mjaftueshëm.Mos i hiqni në asnjë moment maskat . Uroj më të mirën për secilin nga ju!
