Stërvitja më e madhe ushtarake në Ballkanin Perëndimor, në kuadër të stërvitjes Defender21, fillon zyrtarisht sot.
Ambasadorja amerikane Yuri Kim ka shkruar në Twitter, dhe ka publikuar pamjet kur anija USNS Bob Hope i drejtohet Durrësit.
Mbi 800 trupa ushtarake amerikane mbërrijnë ditën e hënë në Shqipëri, në kuadër të stërvitjes ushtarake “Defender 21”.
Ambasadorja amerikane të dielën tha se mijëra trupa të tjerë do të pasojnë për stërvitjen më të madhe ushtarake në Ballkanin Perëndimor.
Stërvitja “Defender21″ do të zhvillohet nga 1 maj- 14 qershor të këtij viti dhe do të shtrihet në disa vende të Ballkanit dhe të Detit të Zi.
POSTIMI I PLOTE
#Defender21, stërvitja më e madhe ushtarake në Ballkanin Perëndimor, fillon zyrtarisht sot. Me kënaqësi të shoh USNS Bob Hope të mbërrijë në Durrës. Bob Hope është një anije furnizimi që mban më shumë se 800 copë pajisje për t’u përdorur në stërvitje. 2 anije të tjera do t’i bashkohen asaj. #KrahperKrah
