Bashkëshorti i modeles së njohur shqiptare, Angela Martini, është arrestuar nga policia në ishullin grek Mykonos, sipas lajmit të publikuar edhe në mediat vendëse. Siç konfirmon gazeta greke “Protothema”, Dragos Savulescu ka rënë në prangat e policisë, pas një urdhri ndërkombëtar arrestimi nga Interpoli.
Savulescu njihet si producent filmash, që nga viti 2013, por është përfolur në mediat ndërkombëtare sidomos për jetën e luksit dhe shpenzimet marramendëse, për të cilat kanë shkruar së fundit edhe mediat ndërkombëtare.
Savulescu u arrestua së bashku me një shok në Mykonos ndërsa ishin “duke shijuar një jetë luksoze, duke shpenzuar mijëra euro në restorante të shtrenjta dhe në baret e plazhit e ishullit“,- shkruan ndër të tjera “Protothema”. Producenti pritet t’u dorëzohet autoriteteve rumune.
Angela Martini dhe Dragos Savulescu u celebruan gjatë një ceremonie luksoze private në SHBA, në vitin 2017. Që nga ajo kohë, Angela ka hequr dorë nga modelingu, por ka jetuar një martesë të lumtur.
