VLORË- Policia e Vlorës ka dhënë detajet e para lidhur me shpërthimin me eksploziv të ndodhur ditën e sotme në lagjen “10 Korriku”. Në njoftimin zyrtar, shpërthimi ka ndodhur jashtë një pallati, në rrethana ende të paqarta. Ndërsa informon se i plagosur ka mbetur Endri alias Indrit Sadedinai, i cili ndodhet në gjendje të rëndë shëndetësore dhe është nisur për mjekim më të specializuar drejt Tiranës.
“Më datë 18.12.2021, rreth orës 15:10, në lagjen “10 Korriku”, jashtë një pallati ka shpërthyer në rrethana ende te paqarta një sasi lënde, dyshohet eksplozive e për pasojë është dëmtuar shtetasi I.S., i cili ndodhet në gjendje të rëndë. Shërbimet e policisë kanë shkuar menjëherë në vendngjarje dhe po punojnë për zbardhjen e rrethanave të ngjarjes,”-njofton Policia.
