TIRANË– Një atentat me tritol ka ndodhur mëngjesin e sotëm në kryeqytet, ku si pasojë e shpërthimit kanë mbetur të plagosur Mikel Harizaj, 42 vjeç, dhe Serino Dume, 26 vjeç. Makina e llojit ‘Mazda’, me të cilën po udhëtonin është hedhur në erë me lëndë plasëse rreth orës 02:50 në zonën e Unazës së Re, afër rrethrrotullimit të Selitës. Si pasojë e shpërthimit pasagjeri dhe shoferi, kanë mbetur të plagosur dhe janë dërguar në spital. 42-vjeçari Mikel Harizaj, nuk është një emër i panjohur për policinë, pasi ai është arrestuar në 2009, pasi pas një sherri në Vlorë tentoi të vrasë me granatë 3 persona
‘Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç. Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësore. Grupi hetimor nën drejtimin e Prokurorisë po punon për sqarimin e rrethanave të ngjarjes.’- njofton policia.
