Vlorë- Një atentat dyshohet se ka ndodhur mbrëmjen e djeshme në qytetin e Vlorës, ku shënjestra duket se ka qenë një 27-vjeçar. Bëhet me dije se sapo i riu ka dalë nga shtëpia, dy personat kanë hapur zjarr ndaj tij, teksa ndodheshin brenda një makine “Volkswagen”.
27- vjeçari ka deklaruar se në lagjen “Partizani”, një person ende i pa identifikuar, që qarkullonte me një automjet dyshohet se ka qëlluar me pistoletë në drejtim të tij, pa i shkaktuar dëmtime.
Burime zyrtare nga Policia e Vlorës bënë me dije se në sallën operative të Drejtorisë Vendore të Policisë Vlorë ka ardhur një telefonatë nga shtetasi Mario Ferraj, 27 vjeç, banues në Vlorë. Efektivët e Policisë kanë mbërritur në vendngjarje dhe kanë nisur punën identifikim dhe kapjen e autorit të dyshuar.
Në qytet janë ngritur pika kontrolli dhe grupi hetimor vazhdon punën për zbardhjen e ngjarjes.
