Tiranë- Bamir Topi ka dhënë dorëheqjen nga drejtimi i Frymës së Re Demokratike, pas tre vitesh në krye të kësaj partie.
Në një letër drejtuar anëtarësisë, Bamir Topi njofton për largimin nga posti i kryetarit të kësaj partie.
Në letrën e nënshkruar Bamir Topi shkruan:
Në shprehje të vullnetit tim, deklaroj dorëheqjen në mënyrë të menjëhershme dhe të parevokueshme, nga detyra e kryetarit të partisë “Fryma e re demokratike”.
Kjo lëvizje vjen disa orë pasi FRD dhe Topi firmosën marrëveshjen për tu bashkuar në koalicionin e opozitës së bashkuar “Aleanca për ndryshim” ku bëjnë pjesë 13 parti.
