Rritja ekonomike në Kosovë pritet të ngadalësohet në vitin 2022, sipas një raporti të publikuar nga Banka Botërore. Rritja e ekonomisë do të jetë në nivelet e 3-4%, me çmimet të cilat pritet të normalizohen gjatë gjysmën së dytë të vitit.
Investimet në sektorin privat, përshpejtimi i tyre dhe konsumi publik do të jenë shtyllat kryesore që do të ndikojnë në rritjen ekonomike. Sipas Menaxherit të Bankës Botërore për Kosovën dhe Maqedoninë e Veriut, Massimiliano Paolucci, nëse Kosova nuk e forcon kapitalin e saj njerëzor, do ta ketë më të vështirë të arrijë rritje më të shpejtë e më gjithëpërfshirëse ekonomike dhe nuk do të jetë në gjendje të konkurrojë në ekonominë globale.
Në raport thuhet gjithashtu se ekonomia e Kosovës por edhe e Ballkanit Perëndimor mund të përballet me efekte negative për shkak të luftës në Ukrainë.
