Ish-kryeministri Sali Berisha nuk e ka pritur mirë krahasimin që kryedemokrati Lulzim Basha i ka bërë me presidentin serb, Aleksandër Vuçiç. Gjatë fjalës së tij në një konferencë për shtyp, Berisha u shpreh se Basha kishte shitur shpirtin e tij, e preferonte që të qëndronte në opozitë, ndaj dhe ndjehet I kërcënuar nga Foltorja.
PJESË NGA KONFERENCA:
Pyetje: Basha tha; PD nuk do të funksionojë me struktura paralele, krahasimi me Vuçiç?
Berisha: Pengkryetarit i them që shitja që i ke bërë shpirti është vepër e jotja dhe jo e demokratëve. Nuk janë ata që kanë ndërtuar dosjen e pengmarrjes tëndë. I them se ke nga shtatori i mbyllur brenda 4 mureve. Nuk ke takuar dot anëtarë dhe as qytetarë pa parti. Nuk është kollaj që të parët të ulen dhe të arsyetojnë me njëri që ai pas 8 viteve nuk premton gjë tjetër. Ai do të preferonte të rrintë nga 80 vjet në opozitë, por foltorja po e nxjerr mënjanë.
