TIRANË– Kryetari i Partisë Demokratike ka publikuar një dëshmi të dhimbshme të një qytetari, i cili flet për gjendjen e rënduar ekonomike. Qytetari thotë se ka ardhur në shtëpi dhe ka parë që fëmijët kanë qenë të paushqyer dhe ka shitur gjak me pagesë për t’ju blerë ushqime. “Kam shitur gjakun e trupit për fëmijët se nuk kisha çfarë të bëja. Kur erdha në mëngjes i pashë fëmijët që nuk kishin për të ngrënë e as për të pirë, dhe u detyrova shita gjakun e trupit se nuk i shikoja dot. I madhi thoshte dua bukë, i vogli thoshte ham ham se nuk flet dot”,-dëgjohet qytetari teksa rrëfen historinë e tij. Ndërsa kryedemokrati shkruan krahas postimit se është koha për të larguar Edi Ramën nga qeverisja.
