Kreu i opozitës Lulzim Basha i është përgjigjur me shifra e të dhëna deklaratave të të kryeministrit Rama për Shëndetësinë. Referuar raportit të FMN-së, Basha thotë se Shqipëria është vendi me buxhetin më të ulët për shëndetësinë në Europë dhe me numrin më të ulët të testimeve për Covid 19.
Në rrjetin social Facebook Basha shkruan:
“Papërgjegjshmëria kriminale e Edi Ramës, ka çuar në kolaps shëndetësinë, ka dëbuar mjekët, ka lënë shqiptarët në mëshirë të fatit.
Zgjidhja emergjente është rritja e numrit të testimeve, rimbursimi i plotë për marrjen e mjekimit ambulator kundër COVID-19, mbështetja financiare e mjekëve dhe infermierëve dhe shtimi i numrit të tyre.
Çdo lek duhet të shkojë për shqiptarët dhe jo në xhepat e pushtetarëve.”
