Përfundon pas thuajse pas një ore takimi mes sekretarit të shtetit sllovak, Martin Klus dhe kryedemokratit Lulzim Basha. Mësohet se në takimin e zhvilluar në godinën e selisë blu, është folur lidhur me situatën politike në vend.
Por nuk është “harruar” as procesi i integrimit të Shqipërisë në BE dhe për marrëdhëniet bilaterale mes dy vendeve.
Ky takim vjen kur situata në selinë blu nuk është aspak e qetë pas humbjes së zgjedhjeve parlamentare të 25 prillit. Disa demokratë kanë kërkuar dorëheqjen e Lulzim Bashës, duke zhvilluar edhe protesta me disa persona jashtë godinës.
I pari që doli hapur kundër Bashës ishte Fatbardh Kadilli, anëtari i kryesisë së PD-së, por nuk i ka munguar mbwshtetja as nga ish-presidenti i vendit, Bujar Nishani.
