Dy javët e para të Big Brother VIP Albania, Bora Zemani surprizoi mikeshën e saj më të mirë, Semi Jaupajn.
Arbana Osmani i dha mundësinë asaj ta takonte edhe ish të dashurin Donald Veshaj, duke qenë se ky i fundit kishte bërë deklarata të forta me fillim, se e do dhe e merr malli për moderatoren, shkruan Gazeta Online Reporteri.net.
Natën kur të dy u takuan, publiku u çmend pas tyre, ku edhe shumë figura të njohura pëlqyen historinë e tyre të dashurisë. E një nga to ishte edhe Beatrix Ramosaj, e cila kohëve të fundit nuk po i ndahet në asnjë sekond Donaldit.
Në foton që Bora kishte publikuar atë natë që u fut në BB VIP, Beatrix kishte shkruar se i ka çmendur edhe komshitë duke bërtitur, nga dashuria që dyshja kishin për njërin tjetrin.
“Më kujtuat se sa bukur është të dashurosh. Me zemër në dorë dje i çmenda komshit duke bërtit. Të dua zemër”, kishte shkruar Beatrix në postimin e Zemanit në Instagram.
