Ish-kryeministri Sali Berisha do të mbajë nesër foltoren e radhës me demokratët e qytetit të Lushnjes. Në një njoftim në profilin e tij në Facebook, vetë lideri historik i Partisë Demokratike bën me dije se nesër, më datë 5 nëntor në ora 17:00 në Pallatin e Kulturës ‘Vaçe Zela’ do të jetë për të zhvilluar takimin e radhës.
“Nesër, ditën e premte me datën 5 nëntor në ora 17:00 në Pallatin e Kulturës ‘Vaçe Zela’ të Bashkisë së Lushnjes do mbahet “Foltorja: Për një Parti Demokratike më të bashkuar, më të fortë, më të hapur”. Ftoj demokratet dhe demokratët e Lushnjes të marrin pjesë. Vetëm të bashkuar fitojmë!”- shkruan Berisha në njoftimin e tij.
Berisha është drejt finalizimit të takimeve në turin “Foltorja” i nisur pas përjashtimit të tij nga grupi parlamentar i PD. Më herët Berisha ishte në Kamëz, Lezhë dhe në Kavajë, ku edhe shpalli zyrtarisht ambicien për të drejtuar PD. Ai dhe mbështetësit e tij kërkojnë mbledhjen e Kuvendit Kombëtar më 11 dhjetor për të shkarkuar kryetarin aktual, Lulzim Basha. Nga ana tjetër, Basha dhe të tijët e interpretojnë ndryshe statutin dhe mohojnë mundësinë e mbledhjes së Kuvendit
