Pandemia e koronavirusit shënon çdo ditë shifra rekord të infektuarish. Deri më tani në rang global janë shënuar 117,459,698 raste të infektuara, prej të cilëve 2,605,637 kanë ndërruar jetë. Vendi më i prekur nga pandemia në të gjithë botën mbetet Amerika, e ndjekur nga India, Brazili, Rusia dhe Mbretëria e Bashkuar.
Megjithatë procesi i vaksinimit ende vijon, pavarësisht problemeve për të gjetur dozat e mjaftueshme të vaksinave. Shkollat në Angli do të rihapen sot, pasi në vend u shënua numri më i vogël i viktimave që prej tetorit, ndërkohë edhe Vietnami ka filluar vaksinimin, duke nisur me punonjësit mjekësorë. Po ashtu edhe Sllovakia nis sot vaksinimin pasi ka marrë 15,000 dozash dhuratë nga Franca.
SHBA po i afrohet synimit të Joe Biden për 100 milion vaksinime në 100 ditët e tij të para në detyrë, duke shënuar deri më tani 90,351,750 doza të injektuara. Vaksinat e përdorura janë ato të Modernës dhe Pfizer.
Ndërsa ‘ujrat’ janë trazuar për vaksinën ruse. Një zyrtar i lartë i Agjencisë Evropiane të Barnave ka nxitur anëtarët e Bashkimit Evropian të përmbahen nga dhënia e miratimeve kombëtare për vaksinën ruse “Sputnik V”, të paktën derisa agjencia të rishikojë sigurinë dhe efektivitetin e saj.
