SHBA– Të gjitha fluturimet e brendshme në SHBA janë pezulluar për shkak të një defekti teknik me sistemet e kontrollit të fluturimit. Administrata Federale e Aviacionit thotë se ka një problem me sistemin që paralajmëron pilotët për rreziqet e mundshme.
Megjithëse, njoftohet se të gjitha fluturimet aktualisht në ajër janë të sigurta për t’u ulur. Fluturimet e vonuara në Shtetet e Bashkuara janë mbi 3500 për shkak të ndalimit të vendosur nga Administrata Federale e Aviacionit, e cila ka vendosur të ndalojë fluturimet e brendshme të paktën deri në orën 9-9.30 me orën lokale. 94 të tjerë janë anuluar, sipas një faqe interneti për gjurmimin e fluturimeve të cituar nga mediat amerikane.
Lidhur me situatën është njoftuar dhe presidenti amerikan Joe Biden. Zëdhënësja Karine Jean-Pierre tha se aktualisht nuk kishte asnjë provë që ndërprerja ishte rezultat i një sulmi kibernetik, por se Departamentit të Transportit i ishte thënë të fillonte një hetim.
