Teksa janari sjell dëbore e ngricë në shumë pjesë të botës, shkretëtirat e Afrikës dhe Lindjes së Mesme zakonisht nuk kanë të njëjtin fat. Por këtë vit, Sahara është zbardhur dhe temperaturat në Arabinë Saudite kanë rënë në -2 gradë Celcius.
Këto imazhe me akull në dunat e rërës në Sahara sjellin një pamje tejet të pazakontë për këtë vend. Ndërsa në Arabinë Saudite, banorët mbushën shkretëtirën në rajonin e Aseer për të shijuar borën.
Hera e fundit që bora mbuloi shkretëtirën e Saharasë ishte në vitin 2016, ku ra borë për herë të parë pas 37 vitesh, por viti që mbahet mend për sasinë e madhe të borës ka qenë 1979.
Shkretëtira e vogël e Algjerisë, Ain Sefra, e njohur ndryshe si Porta për në Shkretëtirë, është rreth 1 mijë metra mbi nivelin e detit dhe rrethohet nga Malet Altas. Ndërsa shkretëtira e Saharasë mbulon pjesën më të madhe të Afrikës Perëndimore dhe përgjatë viteve të fundit ka pësuar ndryshime të temperaturave dhe lagështi.
