Tiranë- Drejtori i Kabinetit dhe ekspert i ekonomisë në PD, Dorjan Teliti i është përgjigjur kryeministrit Edi Rama për pretendimin që ky i fundit ka bërë në lidhje me mbylljen e borxhit që PD e kishte lënë prej vitit që ishte në pushtet.
Ai shton se borxhi në qeverisjen e Ramës borxhit është rritur më shumë se në kohën e PD, dhe i vetmi investim i bërë është Bypass-i i Fierit, prej 22 km.
Më kot krahasoheni me ne. Borxhi u rrit 29 përqind nga viti 2014-2020. 2006-2013 borxhi publik u rrit me vetem 10% të PBB-së (përfshirë detyrimet e prapambetura), me të cilat u ndërtuan dhjetëra spitale, qindra shkolla, mijëra km akse rrugore, përfshirë këtu rrugën e kombit. 2006-2013 ulëm taksat dhe rritëm pagat e pensionet. Ndërsa 2014-2020, borxhi u rrit me 29% të PBB-së (përfshirë detyrime të prapambetura dhe PPP) dhe i vetmi investim i plotë që keni kryer është bypass Fier prej 22km. Familjet shqiptare sot kanë një borxh 50% më të lartë sesa 7 vite më parë. Borxhin publik e rritet ju dhe e përdorët për koncesione klienteliste, tendera pa gare, lukse zyrash e udhëtime me charter. Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie.”– shkruhet ndër të tjera në postimin e Telitit.
