Numri i rasteve të reja të raportuara në të gjithë botën Covid-19 ra me 16% javën e kaluar. Sipas organizatës Botërore të Shëndetësisë, edhe numri i vdekjeve të reja të raportuara ra me 10% nga java në javë. Që prej fillimit të pandemisë e gjithë bota numëron 110,053,373 raste të infektimit dhe 2,430,153 vdekje. Ende vendin e parë të listës e kryeson SHBA, ndjekur nga Brazili, Rusia dhe Britania.
OBSH pret dërgesat e para të Covax në fund të shkurtit
Struktura Covax, përpjekja globale e shpërndarjes së vaksinave Covid-19 e cila synon të sigurojë që vendet e varfëratë furnizohen me vaksina, tha se lista e saj përfundimtare për dërgesat e para do të lëshohet javën e ardhshme.
Të hënën, OBSH i dha vulën e aprovimit për vaksinën AstraZeneca-Oxford që prodhohej në impiantet në Indi dhe Korenë e Jugut, që do të thotë se tani mund të dërgohet përmes Covax, duke u dhënë shumë vendeve dozat e tyre të para Covid-19.
“Covax parashikon që pjesa më e madhe e raundit të parë të dërgesave të ndodhin në Mars, me disa dërgesa të hershme … që ndodhin në fund të Shkurtit,” tha në një deklaratë struktura e drejtuar nga OBSH.
Pfizer-BioNTech dhe AstraZeneca, të dy vaksinat e aprovuara nga OBSH kërkojnë dy doza të injektuara. Rreth 145 ekonomi pjesëmarrëse në Covax janë vendosur të marrin doza të mjaftueshme për të imunizuar 3.3% të popullsisë së tyre kolektive deri në mes të vitit 2021.
Zelanda e Re konfirmon rastin e tretë të ri
Pasi nuk raportonte prej kohësh asnjë rast me COVID-19, në Zelandën e re u konfirmua pozitiv dy anëtarë të një familjeje. Rastet janë të dy studentë në Papatoetoe ndërsa ishin simptomatike.
Shkolla e mesme do të mbetet e mbyllur këtë javë, pasi tani është burimi i tre rasteve të konfirmuara. Çdo student tani është duke u testuar, tha drejtori i përgjithshëm i shëndetësisë Dr Ashley Bloomfield.
Më shumë se 20,000 teste janë bërë në Auckland që kur u njoftua grumbulli i së dielës dhe kryeministrja urdhëroi një bllokim në të gjithë qytetin.
