ANGLI-Aktori, Brad Pitt ka paditur ish-bashkëshorten e tij, Angelina Jolie, duke e akuzuar atë se ka shitur ilegalisht pjesën e saj të pronës së tyre të përbashkët, franceze, Chateau Miraval. Pitt, pretendon se ata kishin rënë dakord që asnjëri nuk do të shiste pjesën e tyre të Chateau kur u martuan në vitin 2014 pa marrëveshje nga pala tjetër. Ai akuzon Jolie se ajo ja shiti, pjesën e saj biznesmenit rus, Yuri Shefler, pa lejen e Brad.
Dokumentet e gjykatës, të depozituara në Gjykatën e Lartë të Los Anxhelosit, thonë, “Jolie e përfundoi shitjen e supozuar pa dijeninë e Pitt, duke i mohuar atij të drejtën e pëlqimit që i detyrohej atij dhe të drejtën e refuzimit të parë që subjekti i saj i biznesit i detyrohej.”
Ajo e shiti interesin e saj me dijeninë dhe qëllimin që Shefler dhe bashkëpunëtorët e tij do të kërkonin të kontrollonin biznesin të cilit Pitt i ishte përkushtuar, duke e minuar kështu investimin e tij në Miraval”, thuhet në padi. Kujtojmë se cifti u martuan atje në vitin 2014, dhe më pas u ndanë në vitin 2009 dhe ndërsa divorci i tyre i rrëmujshëm është finalizuar, çifti është ende i përfshirë në beteja gjyqësore për kujdestarinë e fëmijëve dhe pasuritë e tyre të konsiderueshme.
“Jolie shpjegoi se kishte blerë Miraval me Pitt si një biznes familjar dhe si vendi ku ajo besonte se ata do të plakeshin së bashku. Megjithatë, ajo tha se nuk mund të mbante më asnjë pozicion pronësie në një biznes qe prodhon alkool duke pasur parasysh kundërshtimet e saj personale”, shkruan “Geo News”.
