BOTË-Shifrat e infektimeve me Covid-19 dhe vdekjet e shkaktuara vazhdojnë të rriten, pavarësisht se të gjitha vendet janë në ’luftë’ me kohën për sigurimin e vaksinave për popullsinë e tyre.
Tashmë bilanci i COVID19 ka shkuar në 114 milion raste të reja, dhe gati 2.5 milion të vdekur. Shtetet e Bashkuara renditen të parat me numrin më të lartë të infektimeve ku gjatë 24 orëve të fundit janë shënuar pozitiv me Covid-19 mbi 975 persona, duke e çuar numrin në total mbi 29 milionë. Ndërsa kanë humbur jetën mbi 10 njerëz dhe numri në total ka shkuar 523,092 viktima.
India renditet e dyta ku gjatë orëve të fundit ka shënuar mbi 885 persona të infektuar dhe në total ka arritur 11,079,979 njerëz, ndërkohë që prej fillimit të pandemisë kanë ndërruar jetën 156,970 pacientë.
Për sa i përket Evropës, situata vazhdon të jetët problematike. Franca ka shënuar një ulje të rasteve të infeksionit krahasuar me një ditë më parë, ku në 24 orët e fundit janë regjistruar mbi 25,207 njerëz të infektuar, duke e çuar numrin në total 3,712,020 persona, ndërkohë që kanë ndërruar jetë mbi 379 njerëz dhe numri në total është 86,147.
Në Gjermani, numri i rasteve ka qenë i lartë. Gjatë 24 orëve të fundit janë shënuar pozitiv 9,687 persona, duke e çuar numrin në total, 2,436,506. Ndërkohë që kanë ndërruar jetë mbi 418 pacientë dhe numri në total është 70,421.
Italia ka regjistruar një numër të lartë infektimesh ku gjatë orëve të fundit janë shënuar mbi 20,499 persona të infektuar, duke e çuar numrin në total 2,888,923 ndërsa numri i vdekjeve është mbi 253, duke e çuar shifrën në total 97,227 njerëz.
Burimi: Worldometer
