Volodymyr Zelenski është njeriu më i kërkuar aktualisht nga ushtarët e Vladimir Putin. Edhe pse shumë mund ta kenë vënë në dyshim trimërinë e tij në fillim të kësaj lufte, tashmë presidenti i Ukrainës ka thyer pritshmëritë dhe atë se diskuton më askush.
Por nga po e lufton ushtrinë ruse Zelensky? Reuters arriti t’i marrë një intervistë presidentit të Ukrainës teksa përsërit thirrje që Ukraina do të luftojë me heroizëm, por që e vetme nuk mund t’ia dalë në këtë betejë të përgjakshme.
Më herët, Zelensky, shprehu zemërimin e tij në Twitter për bombardimin e Rusisë në Qendrën Memoriale të Holokaustit në Kiev, Babyn Yar. Bëhet fjalë për raketën që vrau 5 persona pranë një parku ku gjendej dhe një antene për sinjalet televizive. Memoriali u ndërtua në varrin masiv më të madh të Europës për Holokaustin, ku ekipet vrasëse të nazistëve vranë më shumë se 33 mijë hebrenj në vetëm 2 ditë në vitin 1941.
“Çfarë kuptimi ka të themi ‘kurrë më’ për 80 vite, teksa bota qëndron e heshtur kur një bombë hidhet në të njëjtin vend me Babyn Yar? Të paktën 5 të vrarë. Historia përsëritet”, shkruan Zelensky në Twitter. Pak minuta më parë, presidenti Ukrainas zhvilloi dhe një bisede telefonike me homologun amerikan, Joe Biden. Për 30 minuta ata diskutuan për sanksionet kundër Rusisë dhe mbështetjen ushtarake për Ukrainën. “Duhet të ndalojmë agresorin sa më parë”, njoftoi Zelensky. Gjithashtu presidenti ukrainas lëshoi dhe një thirrje për shtetin rus duke kërkuar të ndalojë bombardimet deri pas raundit të dytë të negociata për paqe që do të mbahen nesër.
