Në Itali vijon që të jetë në qendër të vëmendjes ngjarja e vrasjes dhe copëtimit të trupave të çiftit shqiptar Shpëtim dhe Teuta Pasho, ku e akuzuar dhe arrestuar deri tani është ish-partnerja e djalit të shqiptarëve, Elona Kalesha. Mediat italiane shkruajnë se karabinierët po përpiqen të hetojnë materialin e përdorur për “paketimin” e çiftit shqiptar në valixhe, që mund të ndihmojë hetuesit të mbyllin rrethin e vrasjes së dyfishtë.
Autoritetet italiane po hetojnë më tej për të zbuluar enigmën dhe bashkëpunëtorët e 36-vjeçares shqiptare, e cila e copëtoi çiftin në ditët e para të nëntorit 2015.
