Ditët e fundit është risjellë në vëmendje çështja e krijimit të Covid-19. Është rindezur debati dhe akuzat nga njerëz që mendojnë se kjo gjë ndodhi në një laborator në Wuhan. Një senator akuzoi Dr. Faucin dhe institucionin që ai drejton se ka sponsorizuar në krijimin e një varianti më të rrezikshëm të virusit. Fauci i hodhi poshtë akuzat. Po ndërkohë teoritë konspirative, gjykimet dhe hetimet vazhdojnë. Po nëse virusi u krijua vërtet në laborator dhe jo natyralisht nga kafshët te njeriu? Ç’ndodh me Kinën? Cili do të jetë dënimi për të? Në këtë vazhdë, gazetari britanik, Matthew Lynn po heton ndikimin e mundshëm financiar që mund të ketë mbi Kinën, nëse shërbimet e inteligjencës gjejnë fakte që vërtetojnë se virusi u krijua në laborator.
Atëherë Kina do të jetë fajtore që e krijoi, që e mbajti të fshehtë dhe që humbën jetën më shumë se 3.5 milionë njerëz në gjithë botën.
Për këtë shkak Kina do të vuante pasojat:
Mallrat kineze mund të bllokohen nga tregu global, duke shkaktuar mungesa dhe një cikël inflacioni
Tregtia globale do pësonte kolaps
Tregu kinez do pësonte disfatë, ndërsa paratë kineze do dilnin nga bursa
Besimi ndaj Kinës do të shembej
