Shifra e të infektuarve me Covid-19 në Itali është rritur. Sipas mediave italiane, gjatë 24 orëve janë kryer 152,334 testime dhe kanë rezultuar pozitiv 19,037 persona.
Ndërkohë, që kanë ndërruar jetë 459 pacientë dhe 2,584 njerëz janë vendosur nën kujdesin intesiv. Ndërsa, sipas të dhënave nga Ministria e Shëndetësisë, 23,402 persona janë të shtruar në spital me simptoma jo shumë të rënda, 668 më pak se dje.
Që prej fillimit të pandemisë në Itali janë shënuar pozitiv 2,009,317 persona dhe kanë ndërruar jetë 70,900 pacientë. Sakaq, ditën e sotme vendi është shpallur një zonë e kuqe dhe ka hyrë në izolim total.
