Përdoruesit e Twitter i janë përgjigjur me “PO” sondazhit të Elon Musk nëse ai duhet të shesë 10% të aksioneve të tij të Tesla-s për të paguar taksat.
Përdoruesit mbështetën shitjen e aksioneve me një diferencë të gjerë, me rreth 58% “PO” kundrejt 42% “kundër”. Vihet re se janë hedhur më shumë se 3.5 milionë vota.
Musk nisi sondazhin të shtunën. Ai tha se do të respektonte rezultatet e sondazhit, çfarëdo qofshin ato.
Biznesmeni amerikan, i cili aktualisht është njeriu më i pasur në botë, njihet për postimet e tij provokuese dhe kontroverse, të cilat herë pas here kanë ngjallur reagime të ndryshme.
Edhe pse askush nuk e di nëse e ka me të vërtetë këtë qëllim, nëse Musk shet 10% të aksioneve, përveç faktit që do të likuidojë 21 miliardë dollarë, ai do të jetë në gjendje të lëvizë 80% të xhiros ditore të kompanisë së listuar në një të vetme.
Debati nisi pas deklaratës së kreut të Programit të Ushqimit të OKB-së i cili tha se 2% e pasurisë së Musk mund të zgjidhte përfundimisht problemin me urinë në botë.
Veprimi i tij është edhe një përgjigje ndaj taksave për miliarderët, që janë propozuar nga demokratët amerikanë. Tani pritet përgjigja e miliarderit.
