Presidenti i Republikës, Ilir Meta falënderoi NATO-n që zgjodhi Shqipërinë për të zhvilluar stërvitjen “Defender Europe 21”.
Në fjalën e tij para përfaqësuesve amerikane dhe të NATO-s, Kreu i Shtetit shqiptar, u shpreh se kjo stërvitje është një garanci e fortë që Shqipëria është e gatshme të mbrojë vlerat e demokracisë dhe paqes në Evropë dhe në të gjithë hapësirën Euroatlantike.
“Kjo ngjarje e madhe është një stërvitje shumëkombëshe, ku FA jo vetëm do të mbështesin trupat e tjerë, po do të jenë aktive me 1000 trupa.
Synimi që NATO dhe SHBA kanë vendosur për këtë stërvitje i japin një mundësi të shkëlqyer FA për të testuar aftësitë operacionale të njësive dhe strukturave, jo vetëm të luftimit por edhe mbështetëse duke rritur kështu nivelin e përgatitjes në përmbushje të misionit kushtetues dhe përgjegjësive tona ndaj aleancës.
Ky është një rast i shkëlqyer për të njohur më mirë mjedisin rajonal dhe në këtë kontekst është e rëndësishme që Shqipëria të arrijë atë nivel besueshmërie që kërkon dhe pozicioni dhe roli i saj strategjik. Si presidenti i Republikës dhe komandat i FA jam i bindur në përmbushjen e detyrimeve nga të gjitha strukturat shtetërorë, përfshire edhe ato që lidhen me sigurinë e shëndetit nga covid 19.
Jam besim plotë se pjesëmarrësit e këtij ushtrimi do të mbeten edhe me përshtypjen më mbresëlënëse nga mikpritja shqiptare.
Shtëpia e shqiptarit është e mikut dhe e zotit.
Të dashur miq të SHBA, miqësia mes dy kombeve tona është më e hershme sesa periudha e shtetit shqiptar, për të cilin SHBA janë angazhuar shumë për ta njohur.
Jemi të gatshëm të mbrojmë vlerat e lirisë paqes dhe demokracisë në Evropë dhe kudo në hapësirat euroatlantike”
