Konferencën për median nga Shtëpia e Bardhë Donald Trump e nisi me këtë deklaratë: Nëse do të numërohen votat legale, unë fitoj shumë lehtë. Nëse numërohen votat joligjore ata do të përpiqen të vjedhin zgjedhjet tona. Tashmë kam fituar disa shtete kyçe”
Trump gjithashtu pretendon se sondazhi i medieve para votimit ishte “ndërhyrje në zgjedhje”.
Presidenti deklaroi gjithashtu se ka shumë padi për shkak të asaj se sa i padrejtë ishte ky proces”. Shumica e rasteve janë nisur nga fushata e tij për të ndaluar numërimin në shtetet “fushëbetejë”
Trump tha se është në rrugën për të marrë Arizonën dhe shtoi: Qëllimi ynë është të mbrojmë integritetin e zgjedhjeve dhe nuk do të lejojmë korrupsionin të vjedhë këto zgjedhje kaq të rëndësishme”
Në Arizona ende nuk ka mbaruar votimi por bazuar në numërimin deri tani të 88% të votave tregojnë se Biden kryeson.
