Vlorë- Zbardhen të tjera detaje nga ngjarja që tronditi ditën e djeshme Vlorën, ku u ekzekutua 31- vjeçari, Tauland Gjikaj.
Burime bëjnë me dije se para vrasjes 31-vjeçari ka kërkuar një shumë lekësh borxh diku, si dhe ka komunikuar në telefon me autorët. Bëhet me dije se bisedat mes tyre kanë qenë të ashpra, me debate dhe ofendime. Ata kanë qenë miq dhe shokë me njëri-tjetrin, kanë qenë të njohur, ndaj dhe 31-vjeçari ka ndaluar, në momentin që ata i kanë dalë para në rrugë.
Dyshohet se autorët kanë pasur si që qëllim vetëm ta trembin viktimën, ndaj nuk kanë qenë as të maskuar, si dhe mjeti ka qenë me targa të rregullta dhe i përket bashkëshortes së njërit prej autorëve.
