Një letër drithëruese nga një e mbijetuar e Titanikut, i cila përshkroi britmat nga turmat e njerëzve ndërsa po luftonin për të shpëtuar, ka dalë në dritë.
Marion shkroi: “Unë kam qenë në shtrat rreth 10 minuta, kur dëgjova një përplasje të tmerrshme e cila tronditi të gjithë anijen dhe motori ndaloi.” “Vura fustanin dhe një pallto të trashë, takova mikun tim duke shkuar në kuvertë për të kuptuar çfarë kishte ndodhur.”
Marion, e cila ishte duke emigruar në shtetin amerikan të Oregonit për të qenë me të fejuarin e saj, e shkroi letrën në anijen e shpëtimit Carpathia.
Dhimbja ishte që qindra burra që qëndronin në kangjellat e Titanikut ndërsa varkat e shpëtimit zbrisnin në ujë.
“Shumë nga burrat në bord puthën gratë e tyre dhe më pas u tërhoqën dhe pritën në heshtje fundin”, tha Wright. “Banda e anijes vazhdoi të luante derisa anija të fundosej. Më kujtohet kur dëgjova pjesën e bukur ‘Autumn’ kur u largova nga Titaniku”. “Jo të gjithë burrat në bord i përmbushën pritjet kalorësiake. Disa donin të jetonin, normat kulturore duheshin mallkuar.”
“Mbaj mend se ishte gati gjysma e plotë”, tha Wright për varkën e shpëtimit në të cilën ishte futur. “Dy të rinj u futën brenda, por anëtarët e ekuipazhit i detyruan të dilnin. Njëri u fut përsëri dhe u fsheh ndërsa varka ulej në ujë. ”
Kjo letër është mbajtur nga të afërmit e saj së bashku me letrat e tjera familjare të asaj kohe.
Letra do të shitet në ankand në 17 prill nga Henry Aldridge & Son of Devizes, Wilts. Pritet që ajo të arrijë vlerën 6,000£.
Ankanderi Andrew Aldridge tha se kjo letë është “e jashtëzakonshme” dhe kur e lexon të vendos në atë moment, të duket sikur po e përjeton atë ngjarje historike.
Marion vdiq në Oregon në vitin 1965 në moshën 80 vjeç.
