Ndërkohë që procesi i vaksinimit vijon me ritme të larta, autoritetet në Shqipëri kanë nxjerrë edhe “pasaportën covid”.
Tashmë, të gjithë shqiptarët që kanë marrë dy dozat e vaksinave, do të kenë mundësi që të pajisen me pasaporta të gjelbërta.
Dokumenti mund të shkarkohet lehtësisht nga portali shtetëror e-albania dhe ka vlerë ligjore për të treguar se personi i pajisur me të, është i imunizuar dhe mund të udhëtojë lirshëm.
Gjithsesi duhet thënë se praktikat e udhëtimit do varen nga kushtet që vendosin vetë shtetet.
Identifikohuni si qytetar në portalin e-Albania;
Zgjidhni shërbimin “Pasaportë vaksinimi Covid-19”;
Klikoni butonin “Përdor”;
Klikoni butonin “Shkarko dokumentin”;
Koha e nevojshme e marrjes së shërbimit
Pasaportën e vaksinimit Covid-19 me kodin unik mund ta gjeni në çdo kohë në seksionin “Dokumentet e mia” te hapësira juaj në portalin e-Albania.
