TIRANË– Kryetarja e Grupit Organizator, Albana Vokshi nuk komentoi pyetjen e gazetarit kur u pyet në lidhje me numrin e delegatëve që ndodhen ditën e sotme në Kuvendin Kombëtar të Partisë Demokratike. Ajo tha se të gjithë e dinë mirë se sa persona mban salla e Pallatit të Kongreseve, ndaj komentet mund ti bëjnë më pas.
Unë nuk e kam parë, jemi të fokusuar në punën tonë. Nuk kam parë asgjë, nuk është cështje që me shqetëson. Ju jeni gazetarë e dini shumë mirë se sa mban salla e Pallatit të Kongreseve, ju mund ti bëni mirë komentet tuaja. Lexova që ka persona që nuk janë fare delegatë.’- tha Vokshi.
