Tiranë- Kreu i Partisë Demokratike Lulzim Basha njoftoi sot se ka pasur një komunikimi me drejtues të BE, ndërsa shprehu mirënjohjen për ndihmën ndaj Shqipërisë.
Në një deklaratë për mediat, pas këtij komunikimi, dhe gjithashtu pas konferencës së kryeministrit, Basha theksoi se për shkak të dështimit të Edi Ramës, Shqipëria është në krizën më të thellë ekonomike.
“Sapo kam pasur një komunikim në ‘zoom’ me disa nga drejtuesit kryesorë të BE, përfshirë komisionerin për zgjerimin Oliver Varhelyi, kryetarin e komisionit për punët e jashtme të PE, David McAllister, drejtues të tjerë të lartë të BE, të PE ku kam folur dhe për ndihmën e jashtëzakonshme që BE i ka ofruar Shqipërisë por edhe për ndihmën ekonomike dhe ndihmën në sektorin e shëndetësisë që BE do t’i ofrojë Shqipërisë në të ardhmen. Një gjë është e qartë si drita e diellit për shkak të dështimit të Edi Ramës, Shqipëria është sot në krizën më të thellë ekonomike krahasuar me çdo vend tjetër të rajonit. Në 8 vite Edi Rama i ka rritur taksat duke iu marrë shqiptarëve 3 mld euro më shumë. 40% e të ardhurave të biznesit shkon kosto e të ardhurave të rritura të Ramës. Ndihma ekonomike që qeveria e Edi Ramës i ka dhënë shqiptarëve është më e ulëta në botë. Kjo është arsyeja që Shqipëria është vendi me krizën më të thellë ekonomike në vend.
Lajmi i mirë është që ditët e kësaj qeveria janë të numëruara. Tirja i qeverisë që iu ka marrë paratë shqiptarëve, biznesit shqiptar dhe në vend t’i kthejnë në shërbime e investime ia ka dhënë një grushti klientësh nuk mund të fshihet dhe as fshehë dështimin e vet duke fajësuar BE. Është koha për ndryshim, për të larguar këtë qeveri dhe këtë km të papërgjegjshëm”, deklaroi Basha.
Basha u shpreh se marrëdhënia me BE- në do të ndikojë në drejtimin e vendit.
“Me këtë rrugë ndryshim, partnerët tanë strategjikë, duke përfshirë partnerët e BE, do të na mbështesin me plan ekonomik, që Shqipëria t’i kthehet normalitetit dhe të ketë klimë pozitive për biznesin e brendshëm, për bizneset e vogla dhe të mëdha, për të krijuar një klimë pozitive për investimet e huaja. Mesazhi që kam sot për shqiptarët është se çdo kush e di që Edi Rama ka dështuar, por e nesërmja do të sjellë ndryshim. Një ndryshim për të gjithë shqiptarët”, deklaroi Basha.
