BJELLORUSI- Udhëheqësja bjellorusre e protestave masive të nxitura kundër presidentit të Bjellorusisë, Aleksandër Lukashenko, u dënua me 11 vjet heqje lirie. Njoftimi u dha nga agjencia shtetëore e lajmeve Belta dhe opozita bjelloruse.
39-vjeçarja Kolesnikova, u arrestua pasi grisi pashaportën e saj në shtator të vitit 2020 për të ndaluar forcat e sigurisë bjelloruse ta dërgonin në kufirin Ukrainas.
Kolesnikova u bë një nga figurat më të njohura të lëvizjes opozitare masive gjatë zgjedhjeve presidenciale të gushtit të vitit 2020. Protestat masive të zhvilluara vitin e shkuar u nxitën për shkak të besimit se Lukashenko kishte manipuluar rezultatet, gjë që presidenti i Bjellorusisë e mohoi kategorikisht.
Maria Kolesnikova dhe një tjetër udhëheqës i lartë opozitar, Maxim Znak, i cili u dënua me 10 vjet burg, u akuzuan për ekstremizëm dhe përpjëkje për të marrë pushtetin në mënyrë të paligjshme.
Gjyqi filloi muajin e kaluar dhe ishte i mbyllur për publikun për shkak të ‘sigurisë kombëtare’.
