Këngëtarja 76-vjeçare Dolly Parton ka treguar disa nga sekretet e pamjes së saj për Insider. Një prej gjërave që e ndihmon atë të jetë gjithmonë në formë, është se e nis ditën e saj në orën 3 të mëngjesit.“Unë shkoj në shtrat shumë herët, por edhe nëse kam qëndruar deri vonë – është thjesht si një orë e vogël brenda meje që thotë, ‘Është ora 3!’”, zbuloi Parton në një intervistë të fundit.
Ajo këmbënguli se nuk ndihet kurrë e lodhur, duke thënë:
“Unë nuk kam nevojë për aq shumë gjumë sa shumë njerëz të tjerë. Ky është një tipar i familjes Parton. Unë jam si babi im. Ai zgjohej gjithmonë herët, edhe nëse i duhej të flinte vonë.”
Parton zbuloi gjithashtu se ajo nuk ka shumë produkte të shtrenjta për kujdesin e lëkurës, duke thënë se artikujt më të lirë janë gjithçka që i nevojiten.
“Unë nuk bëj ndonjë ritual të madh me lëkurën time dhe nuk mendoj se duhet të paguash shumë para për të pasur produkte të mira. Shumica e produkteve që kushtojnë më pak janë po aq të mira dhe ndonjëherë më të mira se ato që kushtojnë një pasuri të tërë,” –tha Parton.
Kur u pyet për pamjen e saj sfiduese ndaj moshës, këngëtarja rrëfeu se mosqëndrimi në diell në vitet e rinisë e ka ndihmuar ta mbajë lëkurën e saj të lëmuar dhe të freskët.
“Unë kurrë nuk dilja në diell,” shpjegoi ajo. “Unë nuk kam shumë probleme që kanë gratë e moshës sime, sepse nuk jam pjekur kurrë në diell. Do ta kisha bërë nëse do të kisha mundur të nxihesha, por nuk mundesha, kështu që tani jam e lumtur!”
