TIRANË– Kërkesa e aktorit Donald Veshaj për të dashurën e tij është kryer! Brenda shtëpisë së “Big Brother VIP”, Donaldi ka kërkuar që i vëllai, Romeo të bëjë gati një tufë trëndafila për Trixën e t’ia dërgojë për festën e Shën Valentinit.
Dhe ashtu ka ndodhur! Megjithëse Beatrix është në Dubai, duket se Romeo e ka mbajtur fjalën dhe ia ka dërguar buqetën me lule.
“Ju dua,”-shkruan ajo krahas fotos.
Situata mes Trixës dhe Donaldit është disi e tensionuar për momentin pas një situate që u krijua së fundmi në shtëpinë e BBV. E gjithë historia nisi pasi disa ditë më parë në shtëpinë e “BBVIP”, disa miq të banorëve hynë për të darkuar me ta. Ermal Mamaqi dhe Salsano Rrapi përmendën Borën e Triksën, ndaj dhe kjo e fundit nuk pranoi që mbrëmë të shkonte në festën e përgatitur për banorët finalistë, për të mbështetur të dashurin e saj. “Do marrim Bora Zemanin si aktore”, u dëgjua të thoshte Ermali, ndërsa Donaldi iu përgjigj: “Kujdesu që ta paguash mirë!”. Shakaja e mërziti këngëtaren, e cila nuk shkoi ta takonte të dashurin e saj në shtëpinë e BBVIP.
