Në stadiumin “Air Albania” ka nisur sot procesi i vaksinimit anti-COVID për dozën e dytë. I pari që është vaksinuar ka qenë kreu i qeverisë Edi Rama. Rama u pyet në lidhje me ndonjë efekt anësor pas dozës së parë dhe ai u përgjigj se nuk ka pasur as temperaturë dhe as lodhje.
Pas Ramës u vaksinua edhe shefja e spitalit Infektiv Najada Çomo për të vijuar me radhë me pjesën tjetër të stafit mjekësor.
Pas vaksinimit Rama tha para gazetarëve të pranishëm se Shqipëria dhe Serbia janë vendet e vetme në rajon që kanë nisur zbatimin e kontratës dhe kanë vaksinuar mjekët. Ndër të tjera kreu i qeverisë tha se në mesin e muajti shkurt do të vijnë në 10 mijë doza të parashikuara dhe brenda muajit do të vijnë 30 mijë doza të tjera, pra në total 40 mijë doza.
DEKLARATA E RAMES: Me sa kemi mësuar imunizimi ka nevojë për të gjithë ciklin dhe ajo që është më e rëndësishme është se kemi hyrë në zbatimine kontratës me Pfizer. Dje kanë ardhur dozat që kanë hapur rrugën. Nëse nuk e shikojmë të gjithë panoramën, patjetër që duken shumë pak. Por në rajon jemi i vetmi vend së bashku me Serbinë që ka hyrë në zbatimine kontratës dhe ka hyrë në vaksinimine mjekëve. Së dyti, në krejt Europën situata është krejt kaotike, vende të mëdha kanë filluar kërcënime, pasi kërkesa është marramendëse dhe në të gjitha rastte oferta është shumë e ulët. Së treti, Dje në darkë vonë kemi marrë konfirmimin nga Pfizer se në mesin e shkurtit do vijnë 10.000 mijë dozat e parashikuara, dhe brenda shkurtit do vijnë 30.000 dozat e tjera.
