Intervista e Princit Harry dhe Meghan Markle nuk ishte e lehtë për t’u pranuar nga mbretërorët dhe duket se Princi William është akoma shumë i prekur. Burime të ndryshme kanë konfirmuar gjithashtu se biseda që Harry dhe William patën pas intervistës nuk përfundoi mirë. Madje ky i fundit mendon se i vëllai ka vendosur famën para familjes.
“William mendon se Harry-t i ka hipur vetja në qejf që kur u transferua në Kaliforni dhe se suksesi dhe Hollywood-i i ranë në kokë. Ai është duke akuzuar Harry-n për vendosjen e famës para familjes, pas intervistës së bujshme”, -tha një burim për Us Weekly raporton Revista Class.
Pak javë para zbulimit të statujës së re të nënës së tyre, është folur shumë nga personat e brendshëm mbretërorë se kjo gjë mund t’i bëjë William-in dhe Harry-n përsëri së bashku. Megjithatë, sipas burimit të Us Weekly, mund të jetë gjithashtu gjëja që do t’i ndajë ata përgjithmonë. Pse? Sepse, me sa duket, William po këmbëngul për t’u takuar me Harry-n para ngjarjes së madhe, por ai po e refuzon dhe nuk do që t’i japin urdhëra.
“Nëse Harry nuk sillet mirë atë ditë, ose edhe më keq, nuk shfaqet, William nuk do ta falë kurrë”, -përfundon burimi.
