SHBA- Ndjekësit e aktores Nicole Kidman po vënë në pikëpyetje postimin e saj të fundit në rrjetet sociale, një foto duke buzëqeshur në krah të regjisores Lulu Wang në xhirimet e serialit të ri të Amazon “Expats”.
Sipas NYPost, të shumtë kanë qenë ata që kanë vënë re se diçka në fytyrën e Kidman dukej ndryshe pasi lëkura e saj prej porcelani dukej e fryrë, e shtrënguar dhe pa rrudha.
Fansat spekuluan se aktorja 54-vjeçare fituese e Oskari tmund të kishte bërë sërish operacione plastike në fytyrë.
“Çfarë ke bërë me fytyrën tënde?!?!?!!!? Ti po fillon të bëhesh si një përbindësh, është e trishtueshme sepse ishe e bukur”, shkroi një fans në postim.
“Ti nuk dukesh si Nicole,” komentoi një tjetër.
“Diçka nuk shkon me fytyrën tënde,”shkroi dikush tjetër.
Aktorja e “Being the Ricardos” ka mohuar më parë të ketë bërë ndonjëherë ndërhyrje në fytyrën e saj, duke këmbëngulur se ishte e natyrale dhe duke thënë se përdor për një rutinë të kujdesit të lëkurës dhe zakone të shëndetshme.
“Të jem e sinqertë, unë jam plotësisht natyrale. Nuk kam asgjë në fytyrë. Unë përdor krem kundër diellit dhe nuk pi duhan. Unë kujdesem për veten time. Dhe jam shumë krenare ta them këtë.”- tha ajo për Marie Claire në 2007.
Por mesa duket gjatë 13 viteve të fundit, prioritetet mund të kenë ndryshuar. Në vitin 2011, Kidman zbuloi për revistën gjermane TV Movie se ajo provoi Botoxin por e ndaloi.
“Nuk më pëlqeu se si u duk fytyra ime më pas. Tani nuk e përdor më, mund të lëviz përsëri ballin.“- u shpreh ajo.
