Sot shënohet 2-vjetorti i djegies së Katedrales franceze Notre Dame. France24 shkruan se punimet për rikonstruktimin e plotë të Katedrales pritet që të përfundojnë në vitin 2026 sipas Presidentit Emmanuel Macron, ndërsa kreu i rikonstruktimeve të Notre Dame, Jean-Louis Georgelin tha se hapja e parë e Katedrales pritet të jetë në vitin 2024, ku do të hapet ka pasur pjesën e kupolës.
Që nga fillimi i rikonstruktimit të Katedrales dhe deri më tani konsolidimi i saj ka shkuar në 165 milion euro, ndërsa shuma e plotë për përfundimin e rikonstruktimit të Katedrales pritet të shkojë në 833 milion euro.
“Ne po sigurojmë lehtësim për katedralen, duke i dhënë asaj paterica, mbështetje … sepse ka shumë dobësi”, tha drejtori teknik i një kompanie restaurimesh Damien Brisson.
“Është një plan jashtëzakonisht ambicioz. Por ne jemi akoma në rrugë për të rihapur katedralen për adhuruesit në 2024. Ajo nuk do të përfundojë plotësisht, natyrisht. Do të ketë akoma punë për të bërë në pjesën e jashtme, veçanërisht në murin e jashtëm, dhe punë të tjera për të përfunduar … dhe mbi të gjitha ne duhet të përfundojmë konsolidimin e ndërtesës, e cila do të bëhet vetëm këtë verë, “tha Georgelin.
Katedralja, një monument i arkitekturës gotike që daton nga shekulli i 13 dhe që është kthyer në një atraksion të madh për turistët, u përfshi nga zjarri më 15 prill 2019. Flakët shkatërruan kupolën dhe çatinë.
