SHBA– Takimi mes aktorit të mirënjohur në mbarë botën Leonardo Di Caprio dhe të dashurës së miliarderit Jef Bezzos, në Muzeun e Artit të Qarkut të Los Anxhelosit (LACMA) ka bërë xhiron në rrjet. Ishte reagimi i të dashurës së Bezos ajo që tërhoqi vëmendjen online dhe bëri që të spekulohet se mos ka nisur diçka mes aktorit dhe spikeres së lajmeve Lauren Sanchez.
Sanchez dukej e mahnitur nga takimi me DiCaprio, duke e vështruar atë në mënyra që nga publiku janë përshkruar si “e etur” dhe “e çmendur “. E veshur me një fustan vezullues që bie në sy, Sanchez shihet e përkulur pranë fituesit të Oskarit, duke e parë me vëmendje në sytë e tij me një buzëqeshje “vesh më vesh”.
Sanchez dhe Bezos u zyrtarizuan për herë të parë në janar 2019, pak pasi bota mësoi se themeluesi i Amazon po divorcohej nga gruaja e tij, MacKenzie Scott, pas 25 vitesh martesë.
