DUBAI – Në ceremoninë e ndarjes së çmimeve “Global Soccer Awards” në Dubai, që u zhvillua në fundjavën e kaluar, Kristiano Ronaldo fitoi çmimin e futbollistit më të mirë për shekullin 21.
Ylli portugez i Juventusit ishte në këtë ceremoni, i shoqëruar edhe nga djali i tij dhe e dashura Georgina Rodriguez. Kjo e fundit ka mbushur mediat rozë dhe ka tërhequr një vëmendje të madhe me paraqitjen dhe për fustanin e mrekullueshëm.
Por me sa duket ka patur edhe detaje që publikun i kanë shpëtuar. Të gjithë duhej të respektonin masat anti-COVID-19, duke mbajtur maskat mbrojtëse, por kur vjen çështja te Georgina, ajo kishte një maskë jo të zakonshme.
Maska e saj ishte “MoXaD”, e cila neutralizon virusin korona dhe kjo mund të blihet edhe on-line. Maska i reziston gjithsej 50 larjeve në 60 gradë, pa humbje të aftësisë mbrojtëse.
