Berat- Mes lotëve, banor i zonës dhe mik i viktimës Ajet Guneli ka treguar takimin e fundit me Ajetin para se të vritej këtë mëngjes.
“Kur erdha unë çdo gjë kishte mbaruar. Unë erdha në dashamirësi. Erdha se e kam shok këtë që u vra, Ajetin. Mbrëmë ishte tek unë hëngri bukë. Nuk di gjë për lidhjen e tyre, njihja vetëm Ajetin (Qan) E pata mbrëmë në shtëpi, hëngri bukë me çunat e mi (qan) ishte një njeri shumë i mirë. Kjo që ndodhi, ndodhi.”, tha i moshuari.
Burime bëjnë me dije se të dy autori dhe viktima para se të niste sherri kanë qenë duke pirë kafe. Të dy kishin debate për qeranë e stallës së derrave që Guneli i kishte marrë Polovinës, ata ishin rrahur fizikisht dhe situata kishte agravuar deri në përdorimin e armëve. Polovina kishte marrë armën dhe e kishte gjuajtur me 62 plumba viktimën duke e lënë të vdekur.
