Disa viktima dhe të plagosur raportohen pas një sulmi me armë në një hekurudhë në San Jose, California.
Zëdhënësi i policisë Russell Davis tha se personi i armatosur po ashtu ka vdekur e se viktimat përfshinin punonjës të oborrit të hekurudhës.
“Ekzistojnë shumë spekulime për fatalitetet,” tha Davis. “Nuk mund ta konfirmoj numrin e saktë të lëndimeve dhe fataliteteve, por do t’ju tregoj se ato janë lëndime të shumta dhe fatalitete të shumta në këtë rast,”
Kryebashkiaku Sam Liccardo tha se disa njerëz po trajtohen për dëmtime e se situata është nën kontroll.
“Autori nuk është më një kërcënim e se banorët e zonës janë evakuuar,” shkroi Liccardo në Twitter. “Unë do të informoj sa më shumë për këtë ngjarje.”
Policia është në vendin e ngjarjes teksa bëhet me dije se qendra e kontrollit dhe oborri hekurudhor ku ndodhi ngjarja nuk janë të hapura për publikun.
