KOREJA E JUGUT–Kandidati presidencial i partisë në pushtet në Korenë e Jugut, Lee Jae-myung ndezi një debat këtë javë pasi ai propozoi lejimin e sigurimit publik të kujdesit shëndetësor për të mbuluar trajtimin e humbjes së flokëve në këmbim të votave. CNN raporton se propozimi i tij shkaktoi reagime shpërthyese nga disa njerëz si dhe nxiti kritika nga të tjerët, me opozitën që e quajti atë si pikën e fundit në axhendën e Lee.
Lee Jae-myung e bëri këtë premtim, duke thënë se pothuajse 10 milionë njerëz vuajnë nga rënia e flokëve, por shumë prej tyre porosisin ilaçe nga jashtë ose përdorin ilaçe për prostatën si një alternativë për shkak të kostove të larta të trajtimit. Më tej ai theksoi se është kandidati më i mirë për “flokët e tu”. Lee tha se mbulimi i rënies së flokëve është i nevojshëm nga aspekti i “plotësisë së trupit” dhe fushata e tij po studion ndikimin e saj të mundshëm financiar.
Nga ana tjetër Lee Sang-ee, një profesor në shkollën mjekësore të Universitetit Kombëtar Jeju, tha se sigurimi kombëtar shëndetësor mund të lëkundet nëse shpenzon qindra miliarda dollarë për të mbuluar rënien e flokëve.
