Presidenti i Fax News, Kasem Hysenbelliu është ndarë nga jeta sot pas komplikacioneve të shkaktuara nga COVID19. Hysenbelliu ishte dërguar në Turqi prej disa ditësh ku po merrte trajtim mjekësor por për fat të keq, nuk mundi të fitojë betejën me COVID19.
Kasem Hysenbelliu është themeluesi i Fax News dhe Faxweb.al, grupit mediatik që hyri në treg në vitin 2018, ndërsa më herët ka drejtuar News24, Panorama Group dhe Balkanweb.
Ky lajm ka trishtuar me qindra gazetarë që e kanë njohur nga afër dhe kanë punuar me vite me Hysenbelliun.
