UKRAINË– Gjimnastja 11-vjeçare Kateryna Dyachenko, u vra për shkak të shembjes së shtëpisë së saj, e cila u godit nga një granatë ruse në Mariupol. Gjatë sulmit ndaj banesës së tyre vdiq edhe babai, ndërsa nëna dhe vëllai u shpëtuan për mrekulli edhe nëse ky i fundit u plagos rëndë, raporton The Sun.
Lajmin për vdekjen e Katerynës e dha trajnerja e saj, Anastasia Meshchanenkova, me një postim në Instagram dhe një foto të saj me gjimnasten e vogël.
“Nuk mund ta besoj, kolegu ynë ukrainas ndau këtë tragjedi të tmerrshme. Kjo krijesë e mrekullueshme e butë është tashmë një engjëll,” tha gjimnastja bullgare Iliana Raeva, presidente e Federatës Kombëtare të Gjimnastikës Ritmike.
